台南妹仔ayo：欲困进前，阮爸爸讲予我听 ê 故事是许丙丁 ê 《小封神》
撰文 劉怡青台南妹仔ayo：欲困进前，阮爸爸讲予我听 ê 故事是许丙丁 ê 《小封神》
撰文｜刘怡青照片提供｜台南妹仔ayo
台语毋是干焦咱本土 ê 东西，伊佮英语、日语仝款，是伫一个所在咧生活 ê 人说 ê 话。
延续诚品生活台南开幕展「写予时间的记持：台湾文学慢板 siá hōo s-kan ê kì-t」，我们邀请四位与这座城市有深刻缘分的台南人——谢铭佑、谢仕渊、林秀珍、台南妹仔ayo——说一段他们被台湾文学找到的故事。
文学，或许曾被掩盖、遗忘，却在某一刻悄悄地来到身边：是少年时读懂叶石涛笔下的压抑，是童年睡前爸爸读念的床边故事，又或是课间选读篇章里，看见社会边缘生命的真实处境。书页里的文字始终安静，却一直流动於人与城市之间，像一条水路，静静地，带来记忆与修复。在这里，让我们与台南人一起，回到他们阅读台湾文学的源起之处。
经营「台南妹仔教你讲台语」YouTube频道ê ayo出身台南，伫伊ê 频道说明栏内底写一句：「台语好耍喔！」捌伫公视台语台《逐工一句》节目担任编导ê伊，将Y2K世代上时行ê文化，加入去台语ê推广影片佮活动内底。
讲起家己佮台语之间ê缘分，ayo褫开记持，一个接一个，回想伊佮爸爸同齐ê光阴──困前眠床边ê故事、逐礼拜去恒春学月琴长长ê路途，阁有爸爸写伫咧送予伊ê台语字典顶悬一段勉励ê话。
眠床边ê故事，佮别人拢无仝款
ayo细汉时读ê头一本册，是日本艺人黑柳彻子所写ê自传《窗边的小荳荳》，後尾亦历经侯文咏、九把刀、《哈利波特》、村上春树等等这款华文佮翻译文学上盖烘ê时代。ayo读ê册看起来佮大部分仝年岁ê人精差无偌济，毋过伫伊国小到国中ê彼时阵，就捌伫一年内共厝内ê 《杨逵全集》一困头全部看了了。
若是欲讲起伊佮台语参台湾文学ê缘分，就袂当无讲着伊ê爸爸。ayo ê爸爸周定邦是台文作家，嘛是念歌ê歌仔先佮月琴艺人，「细汉时爸爸妈妈毋是拢会讲故事骗囡仔困？阮爸爸讲予我听ê是许丙丁ê《小封神》。」毋是《虎姑婆》抑《困美人》，ayo ê爸爸将台南神仙相斗ê传说念作眠床边ê故事，後尾甚至写出长篇七字á ê《台湾风云榜》，「我大汉了後嘛感觉，为啥物阮爸爸拢用这款遮尔奇怪ê方式咧共我？」
ayo ê爸爸原底伫建筑业食头路，离开了後开始学写台文、做作家，嘛找到台湾文学馆研究员ê头路。也是对彼时开始，伊逐礼拜ayo驶车到恒春揣朱丁顺学月琴，这段经验嘛写做《三台山ê风》这本册，「伊是伫报纸顶悬看着朱丁顺阿公有咧教月琴，伊就敲去查号台揣朱丁顺ê电话，敲电话予伊，共伊讲：『我想欲揣你学月琴，敢会使？』就雄雄走去矣。」爸爸妈妈ayo驶三点半钟ê车，一礼拜来回两逝，「伊这种去追求家己想欲学ê物件ê精神，其实一直有咧影响着我。」
爸爸伫台语字典顶悬写ê一句话
爸爸写ê《三台山ê风》，嘛亲像ayo踮伫「查某囝ê角度」看袂着ê日记簿仔。比论讲，册内底写当年爸爸去参加恒春民谣比赛，本底是得头名，毋过煞因为评审惊予在地人感觉落气，就请朱丁顺阿公去说服ayo ê爸爸让出名次。这件代志，予ayo ê爸爸非常毋甘愿，「彼是我头一摆看着阮爸爸ê角度，原来是按呢经历ê，佮我细汉时看着ê完全无仝款。」
ayo嘛讲起爸爸伫2005年出版ê《Ilha Formosa》台文诗集，「彼个时阵伊一直咧写作，毋过其实我根本就无伫看伊写ê物件，到大汉ê时阵，因为伊一直囥伫我ê册房，了後我才发现，原来阮爸遮尔gau写。」ayo绁手就提出《Ilha Formosa》册本，念一篇名作〈改薰〉ê台语诗。这个时间，对查某囝喙内念出ê诗词，佮爸爸半暝伫运河边欲去买熏ê画面交缠。念煞了後，ayo开拆：「伊写ê物件最後拢有一个政治ê寓意，毋过情境阁足生活。我才发现我熟似ê这个人一直拢是『爸爸』这个角色，无法度离开这个角色去看这个人。我看伊ê诗集ê时阵，才发现伊生作一个人ê想法。」
这个深深爱着台语ê查埔人，伫查某囝上大学当欲离开故乡之时，送伊一本台语ê字典，「我拄去大学ê时阵，根本就无人伫看册，尤其袂看字典，所以我根本就无认真看伊写啥物予我。」一直到ayo开始做台语ê工作，掀开彼本字典，才看明白顶悬写：「就要做疼惜台语文化ê工作，予咱ê台语文化一代传一代。」
咱当咧经历台语ê文艺复兴时代
开始做台语推广ê工课了後，ayo嘛会收着出版社寄来ê册，当中有一本台文版有声册《傲慢佮偏见》。ayo看待一本十九世纪ê英国古典文学会当翻译做台语，就亲像咱当咧经历台语ê文艺复兴时代：「我感觉遮ê出版就足重要ê，予这个语言佮世界连结起来，这个语言毋是干焦咱本土ê东西，伊佮英语、日语仝款，是伫一个所在咧生活ê人讲ê话。」
当然读台语文学抑是台湾文学，嘛会使对家己感觉上亲切ê所在开始。ayo讲起大学ê时阵嘛足合意吴明益ê作品，尤其是这几年ê短篇小说《苦雨之地》，「我伫内面发现伊开始写罗马字，伊共台语ê词写罗马字，我足感动ê。我自细汉知影有台语、有罗马字，因为阮爸爸就是用这种字伫写物件，毋过我感觉这是予社会匼牢ê文学，台湾人家己无啥知影。」其他ê华文册，伊嘛讲着平路ê《东方之东》佮《黑水》，予较捷看翻译文学ê ayo惊叹，原来台湾人嘛会使共故事写甲遐尔好看，「就是会予你毋甘停落来，就像伫咧追剧仝款，彼时阵我就感觉，原来有遐尔济gau写ê台湾人，我卡早拢毋知影。」
遮ê「毋知影」，内底有毋甘，嘛有会当继续拍拚ê未来。回想当初时自头学台语罗马字ê时阵，ayo讲：「我家己ê英语嘛无讲偌好，我看着遮ê字ê时阵，本身就有一种距离，毋过，入去系统了後，开始熟ê时阵，你ê欢喜会越来越济。」
玛雷人赶紧醒来吧！
对ayo来讲，毋管你是人讲ê本省人抑是外省人，「只要对这个语言有认同，咱会使慢慢仔开始共族群这件代志重新定义。毋管你是啥物人，拢会使是台语人。」就亲像ayo上合意ê《苦雨之地》内底〈人如何学会语言〉这篇小说，因为鸟仔ê叫声并无化石，咱干焦会当不断用身躯去记持佮学习、揣阁较济ê人加入，「到这马你会伫网路顶悬发现，佮你仝款ê人越来越济矣，有一寡仔像《进击的巨人》收集同伴ê过程。」
这场战斗拄才开始尔尔，「玛雷人赶紧醒来吧！」ayo那笑那讲。
只身前往孤岛过一年会带的那本书：
《台语现代散文选》吕美亲主编，前卫
干焦一本真正足难。若是袂使紮电子册，直觉是吕美亲老师编ê《台语现代散文选》。这是我一直想欲读、犹未读ê册，前一站仔去宝岛联播网代班，嘛有机会采访伊。若无就是《台语现代小说选》，看佗一本较厚！哈哈哈哈。就是揣一本会当看较久，嘛真正想欲看ê册。
台南妹仔ayo的台湾文学私书单：
1. 《苦雨之地》吴明益，新经典文化
2. 《台湾漫游录》杨双子，春山
3. 《Ilha Formosa》周定邦，台南县政府
4. 《傲慢佮偏见》 珍．阿斯顿，前卫
5. 《台湾文学ê金璇石》蒋为文总编，亚细亚国际
6. 《我会晓》海狗房东、黄海蒂，联经
About 台南妹仔ayo
经营「台南妹仔教你讲台语」YouTube频道，以轻松、趣味且贴近年轻世代的方式推广台语教育。曾任公视台语台《逐工一句》节目编导，现为公视台语台《无事坐巴士》主持人。
